ഫലശ്രുതി

ഫലശ്രുതി  

വനമാലീ ഗദീ ശാങ്ഗീ ശംഖീ ചക്രീ ച നംദകീ |

ശ്രീമാന്നാരായണോ വിഷ്ണുര്-വാസുദേവോ‌உഭിരക്ഷതു || 108 ||

ഫലശ്രുതിഃ
ഇതീദം കീര്തനീയസ്യ കേശവസ്യ മഹാത്മനഃ |
നാമ്നാം സഹസ്രം ദിവ്യാനാ മശേഷേണ പ്രകീര്തിതമ്| || 1 ||

യ ഇദം ശൃണുയാന്നിത്യം യശ്ചാപി പരികീര്തയേത്||
നാശുഭം പ്രാപ്നുയാത് കിംചിത്-സോ‌உമുത്രേഹ ച മാനവഃ || 2 ||

വേദാംതഗോ ബ്രാഹ്മണഃ സ്യാത് ക്ഷത്രിയോ വിജയീ ഭവേത് |
വൈശ്യോ ധനസമൃദ്ധഃ സ്യാത് ശൂദ്രഃ സുഖ മവാപ്നുയാത് || 3 ||

ധര്മാര്ഥീ പ്രാപ്നുയാദ്ധര്മ മര്ഥാര്ഥീ ചാര്ഥ മാപ്നുയാത് |

കാമാന വാപ്നുയാത് കാമീ പ്രജാര്ഥീ ചാപ്നുയാത് പ്രജാമ്| || 4 ||

ഭക്തിമാന് യഃ സദോത്ഥായ ശുചിഃ സദ്ഗതമാനസഃ |
സഹസ്രം വാസുദേവസ്യ നാമ്നാമേതത് പ്രകീര്തയേത് || 5 ||

യശഃ പ്രാപ്നോതി വിപുലം യാതി പ്രാധാന്യമേവ ച |
അചലാം ശ്രിയമാപ്നോതി ശ്രേയഃ പ്രാപ്നോത്യ നുത്തമമ്| || 6 ||

ന ഭയം ക്വചിദാപ്നോതി വീര്യം തേജശ്ച വിംദതി |
ഭവത്യരോഗോ ദ്യുതിമാന് ബലരൂപ ഗുണാന്വിതഃ || 7 ||

രോഗാര്തോ മുച്യതേ രോഗാദ്-ബദ്ധോ മുച്യേത ബംധനാത് |
ഭയാന്-മുച്യേത ഭീതസ്തു മുച്യേതാപന്ന ആപദഃ || 8 ||

ദുര്ഗാണ്യതിതര ത്യാശു പുരുഷഃ പുരുഷോത്തമമ്| |
സ്തുവന്നാമ സഹസ്രേണ നിത്യം ഭക്തി സമന്വിതഃ || 9 ||

വാസുദേവാശ്രയോ മര്ത്യോ വാസുദേവ പരായണഃ |
സര്വപാപ വിശുദ്ധാത്മാ യാതി ബ്രഹ്മ സനാതനമ്| || 10 ||

ന വാസുദേവ ഭക്താനാ മശുഭം വിദ്യതേ ക്വചിത് |
ജന്മ മൃത്യു ജരാവ്യാധി ഭയം നൈവോപജായതേ || 11 ||

ഇമം സ്തവമധീയാനഃ ശ്രദ്ധാഭക്തി സമന്വിതഃ |
യുജ്യേതാത്മ സുഖക്ഷാംതി ശ്രീധൃതി സ്മൃതി കീര്തിഭിഃ || 12 ||

ന ക്രോധോ ന ച മാത്സര്യം ന ലോഭോ നാശുഭാമതിഃ |
ഭവംതി കൃതപുണ്യാനാം ഭക്താനാം പുരുഷോത്തമേ || 13 ||

ദ്വൗഃ സ ചംദ്രാര്ക നക്ഷത്രാ ഖം ദിശോ ഭൂര്മഹോദധിഃ |
വാസുദേവസ്യ വീര്യേണ വിധൃതാനി മഹാത്മനഃ || 14 ||

സസുരാസുര ഗംധര്വം സയക്ഷോരഗ രാക്ഷസമ് |
ജഗദ്വശേ വര്തതേദം കൃഷ്ണസ്യ സ ചരാചരമ്| || 15 ||

ഇംദ്രിയാണി മനോബുദ്ധിഃ സത്ത്വം തേജോ ബലം ധൃതിഃ |
വാസുദേവാത്മ കാന്യാഹുഃ, ക്ഷേത്രം ക്ഷേത്രജ്ഞ ഏവ ച || 16 ||

സര്വാഗമാനാ മാചാരഃ പ്രഥമം പരികല്പതേ |
ആചര പ്രഭവോ ധര്മോ ധര്മസ്യ പ്രഭുരച്യുതിഃ || 17 ||

ഋഷയഃ പിതരോ ദേവാ മഹാഭൂതാനി ധാതവഃ |
ജംഗമാ ജംഗമം ചേദം ജഗന്നാരായണോദ്ഭവമ് || 18 ||

യോഗോജ്ഞാനം തഥാ സാംഖ്യം വിദ്യാഃ ശില്പാദികര്മ ച |
വേദാഃ ശാസ്ത്രാണി വിജ്ഞാനമേതത് സര്വം ജനാര്ദനാത് || 19 ||

ഏകോ വിഷ്ണുര്-മഹദ്-ഭൂതം പൃഥഗ്ഭൂതാ ന്യനേകശഃ |
ത്രീന്ലോകാന് വ്യാപ്യ ഭൂതാത്മാ ഭുംക്തേ വിശ്വഭുഗവ്യയഃ || 20 ||

ഇമം സ്തവം ഭഗവതോ വിഷ്ണോര്-വ്യാസേന കീര്തിതമ് |
പഠേദ്യ ഇച്ചേത്-പുരുഷഃ ശ്രേയഃ പ്രാപ്തും സുഖാനി ച || 21 ||

വിശ്വേശ്വരമജം ദേവം ജഗതഃ പ്രഭുമവ്യയമ്|
ഭജംതി യേ പുഷ്കരാക്ഷം ന തേ യാംതി പരാഭവമ് || 22 ||

ന തേ യാംതി പരാഭവമ് ഓം നമ ഇതി |

അര്ജുന ഉവാച
പദ്മപത്ര വിശാലാക്ഷ പദ്മനാഭ സുരോത്തമ |
ഭക്താനാ മനുരക്താനാം ത്രാതാഭവ ജനാര്ദന || 23 ||

ശ്രീഭഗവാന് ഉവാച
യോ മാം നാമ സഹസ്രേണ സ്തോതുമിച്ഛതി പാംഡവ |
സോ‌உഹമേകേന ശ്ലോകേന സ്തുത ഏവ ന സംശയഃ || 24 ||

സ്തുത ഏവ ന സംശയ ഓം നമ ഇതി |

വ്യാസ ഉവാച
വാസനാദ്-വാസുദേവസ്യ വാസിതം ഭുവനത്രയമ് |
സര്വഭൂത നിവാസോ‌உസി വാസുദേവ നമോസ്തുതേ || 25 ||

ശ്രീവാസുദേവ നമോസ്തുത ഓം നമ ഇതി |

പാര്വത്യുവാച
കേനോപായേന ലഘുനാ വിഷ്ണോര്-നാമ സഹസ്രകമ് |
പഠ്യതേ പംഡിതൈര്-നിത്യം ശ്രോതു മിച്ഛാമ്യഹം പ്രഭോ || 26 ||

ഈശ്വര ഉവാച
ശ്രീരാമ രാമ രാമേതി രമേ രാമേ മനോരമേ |
സഹസ്രനാമ തത്തുല്യം രാമനാമ വരാനനേ || 27 ||

ശ്രീരാമ നാമ വരാനന ഓം നമ ഇതി |

ബ്രഹ്മോവാച
നമോ‌உസ്ത്വനംതായ സഹസ്രമൂര്തയേ സഹസ്ര പാദാക്ഷി ശിരോരു ബാഹവേ |
സഹസ്ര നാമ്നേ പുരുഷായ ശാശ്വതേ സഹസ്രകോടീ യുഗ ധാരിണേ നമഃ || 28 ||

സഹസ്ര കോടീ യുഗധാരിണേ നമ ഓം നമ ഇതി |

സംജയ ഉവാച
യത്ര യോഗേശ്വരഃ കൃഷ്ണോ യത്ര പാര്ഥോ ധനുര്ധരഃ |
തത്ര ശ്രീര്-വിജയോ ഭൂതിര്-ധ്രുവാ നീതിര്-മതിര്-മമ || 29 ||

ശ്രീ ഭഗവാന് ഉവാച
അനന്യാശ്ചിംത യംതോ മാം യേ ജനാഃ പര്യുപാസതേ |
തേഷാം നിത്യാഭിയുക്താനാം യോഗക്ഷേമം വഹാമ്യഹമ്| || 30 ||

പരിത്രാണായ സാധൂനാം വിനാശായ ച ദുഷ്കൃതാമ്| |
ധര്മ സംസ്ഥാപനാര്ഥായ സംഭവാമി യുഗേ യുഗേ || 31 ||

ആര്താഃ വിഷണ്ണാഃ ശിഥിലാശ്ച ഭീതാഃ ഘോരേഷു ച വ്യാധിഷു വര്തമാനാഃ |
സംകീര്ത്യ നാരായണ ശബ്ദമാത്രം വിമുക്ത ദുഃഖാഃ സുഖിനോ ഭവംതി || 32 ||

കായേന വാചാ മനസേംദ്രി യൈര്വാ ബുദ്ധ്യാത്മനാ വാ പ്രകൃതേഃ സ്വഭാവാത്
കരോമി യദ്യത്-സകലം പരസ്മൈ നാരായണായേതി സമര്പയാമി || 33 ||