സഹസ്രനാമം 101-107

 അനാദിര്-ഭൂര്ഭുവോ ലക്ഷ്മീഃ സുവീരോ രുചിരാംഗദഃ |

ജനനോ ജനജന്മാദിര്-ഭീമോ ഭീമ പരാക്രമഃ || 101 ||

അനാദി:  ആദി കാരണം ആയ ഭഗവാൻ 

ഭൂര്ഭുവ:-- ഭൂമിയുടെ സംരക്ഷകൻ 

ലക്ഷ്മീഃ --ഭൂമിയുടെയും അന്തരീക്ഷത്തിന്റെയും സംരക്ഷകൻ 

സുവീരോ-- വിവിധങ്ങളായ വീര്യങ്ങൾ ഉള്ളവൻ 

രുചിരാംഗദഃ --ഭംഗിയുള്ള തോൾ വളകൾ ഉള്ള ഭഗവാൻ 

ജനന:--ജനിപ്പിക്കുന്നവൻ 

ജനജന്മാദി:-എല്ലാ ജനങ്ങളുടേയും ജന്മത്തിനു ആദി കാരണം ആയവൻ 

ഭീമ: --ദുഷ്ടന്മാർക്കു ഭയത്തെ ഉണ്ടാക്കുന്നവൻ 

ഭീമ പരാക്രമഃ -- ദുഷ്ടന്മാർക്കു ഭയത്തെ ഉണ്ടാക്കുന്ന അത്രയും പരാക്രമം ഉള്ള ഭഗവാൻ 

ആധാര നിലയോ‌உധാതാ പുഷ്പഹാസഃ പ്രജാഗരഃ |
ഊര്ധ്വഗഃ സത്പഥാചാരഃ പ്രാണദഃ പ്രണവഃ പണഃ || 102 ||

ആധാരനിലയ:--എല്ലാത്തിനും ആധാരം ആയ ഭഗവാൻ (ഭൂമിക്കും പഞ്ച ഭൂതങ്ങൾക്കും ആധാരം ആയിട്ടുള്ള ഭഗവാൻ)

അധാതാ-- മറ്റൊരു നിയന്താവ് ഇല്ലാത്തവൻ 

പുഷ്പഹാസഃ--അവ്യക്തമായ പൂവ് വികസിക്കും പോലെ ആണ് അവ്യക്തനായ പരമാത്മാവ് പ്രപഞ്ച രൂപേണ പ്രകാശിക്കുന്നു  

പ്രജാഗരഃ --എപ്പോഴും ഉണർന്നിരിക്കുന്നവൻ 
ഊര്ധ്വഗഃ --എല്ലാത്തിനും മുകളിൽ നിൽക്കുന്നവൻ 

സത്പഥാചാരഃ --സജ്ജനങ്ങൾക്കു ആയിട്ടുള്ള പഥം ആചരിക്കാൻ അവർക്കു ശക്തി കൊടുക്കുന്നവർ 

പ്രാണദഃ --പ്രാണനെ നൽകുന്നവൻ (മരിച്ചു പോയ പരീക്ഷിത്തിന്‌ പോലും ജന്മം കൊടുക്കാൻ ഭഗവാന് കഴിഞ്ഞു)

പ്രണവഃ --പ്രണവ സ്വരൂപം ആയവൻ 

പണഃ -- വ്യവഹരിക്കുക, പുണ്യങ്ങളായ സകല കർമങ്ങളും സ്വീകരിച്ചു അതിനു തക്ക പ്രതിഫലം കൊടുക്കുന്നത് കൊണ്ട് പണ: എന്ന് നാമം 
***********************************************************************************
പ്രമാണം പ്രാണനിലയഃ പ്രാണഭൃത് പ്രാണജീവനഃ |
തത്ത്വം തത്ത്വ വിദേകാത്മാ ജന്മമൃത്യു ജരാതിഗഃ || 103 ||

പ്രമാണം -- -- പ്രമ എന്നാൽ പ്രജ്ഞാനം, പ്രജ്ഞാനം ബ്രഹ്മ എന്ന അറിവ് 

പ്രാണനിലയഃ -- പ്രാണങ്ങൾ സംഹാര കളത്തിൽ ഭഗവാനിൽ വിലയം പ്രാപിക്കുന്നു . അങ്ങനെ പ്രാണങ്ങൾക്കു നിലയം ആയവൻ 

പ്രാണഭൃത് --പ്രാന്തങ്ങളെ പോഷിപ്പിച്ചു ഭരിക്കുന്നത് ഭഗവാൻ ആണ് 

പ്രാണജീവനഃ --പ്രാണങ്ങളെ ശരീരത്തിൽ നില നിർത്തി ജീവിപ്പിച്ചു നിർത്തുന്നവൻ. പ്രാണനോ അപാനനോ അല്ല  ജീവനെ നിലനിർത്തുന്നത്. ഇവയെല്ലാം നിയന്ത്രിക്കുന്ന ഭഗവാൻ ആണ് ജീവന്റെ നില നിൽപ്പിനു ആധാരം     
തത്ത്വം -- നിർഗുണ ബ്രഹ്മത്തെ താത്വി കമായി മാത്രമേ അറിയാൻ പറ്റൂ   തത്വം എന്ന് നാമം 

തത്ത്വ വിദ് -- ബ്രഹ്മത്തെ   അറിയുന്ന യോഗികൾ ആയി ഇരിക്കുന്നതും ആ  ഭഗവാൻ തന്നെ 

ഏകാത്മ:-- ഒരേ ഒരു ആത്മാവ് ആണ് പലതായി കാണപ്പെടുന്നത് 

ജന്മമൃത്യു ജരാതിഗഃ -- ജനനം മരണം ജരാനരകൾ എല്ലാത്തിനെയും അതി ജീവിച്ച ഭഗവാൻ  

ഭൂര്ഭുവഃ സ്വസ്തരുസ്താരഃ സവിതാ പ്രപിതാമഹഃ |
യജ്ഞോ യജ്ഞപതിര്-യജ്വാ യജ്ഞാംഗോ യജ്ഞവാഹനഃ || 104 ||

ഭൂര്ഭുവഃസ്വസ്തരു--ഭുർ ലോകം ഭുവർ ലോകം സ്വർഗ്ഗ ലോകം. ലോക ത്രയം ആകുന്ന സംസാര വൃക്ഷം വ്യാപിച്ചു നിൽക്കുന്നു  

താര  --പ്രണവ മന്ത്രം 

സവിതാ --ഈ ജഗത്തിന്റെ പിതാവ് 

പ്രപിതാമഹഃ -- ഈ ലോകത്തിന്റെ പിതാവ് ബ്രഹ്മാവ് ആണ് ആ ബ്രഹ്മാവിനും പിതാവ് ആയ ഭഗവാൻ 
യജ്ഞ:-ഭഗവാൻ യജ്ഞ സ്വരൂപം ആണ്  

യജ്ഞപതിര്-സകല യജ്ഞങ്ങളുടെയും ഭോക്താവ്‌ ഭഗവാൻ ആണ് 

യജ്വാ --യജിക്കപ്പെടുന്ന വസ്തുക്കൾ ആയി ഇരിക്കുന്നതും ഭഗവാൻ ആണ് 

യജ്ഞാംഗ:--ഭഗവാന്റെ ഓരോ അവയവവും യജ്ഞ ഉപകരണങ്ങൾ ആകുന്നു. യജ്ഞ വരാഹ മൂർത്തി ആയ ഭഗവാൻ  

യജ്ഞവാഹനഃ --സ്വർഗ്ഗാദി ഫലങ്ങൾ ആണ് യജ്ഞഫലങ്ങൾ ആയി വരുന്നത്. അങ്ങനെ യജ്ഞത്തെ വഹിക്കുന്നത്, യജ്ഞങ്ങളെ നിർവിഘ്നമായി നടത്തുന്നത് ഭഗവാൻ ആണ് 

യജ്ഞഭൃത് യജ്ഞകൃത് യജ്ഞീ യജ്ഞഭുക് യജ്ഞസാധനഃ |
യജ്ഞാന്തകൃത് യജ്ഞ ഗുഹ്യ മന്നമന്നാദ ഏവ ച || 105 ||

യജ്ഞഭൃത് -- നിർവിഘ്നമായി യജ്ഞത്തെ നടത്തുന്ന ഭഗവാൻ 

യജ്ഞകൃത് --യജ്ഞ ഭാവേന ഓരോ കർമവും സ്വധർമമായി ആചരിക്കണം. അങ്ങനെ ആണ് പ്രപഞ്ചം നില നിൽക്കുന്നത്.

യജ്ഞീ -- യജ്ഞങ്ങൾ സൃഷ്ടിച്ച ഭഗവാനിൽ തന്നെ ആണ് യജ്ഞം സമർപ്പിക്കുന്നത് അത് കൊണ്ട് യജ്‌ഞീ 

യജ്ഞഭുക് --ഓരോ ദേവനായി വന്നു യജ്ഞത്തെ ഭുജിക്കുന്ന ഭഗവാൻ 

യജ്ഞസാധനഃ --ഇഷ്ട പ്രാപ്തിക്കുള്ള സാധനമായി യജ്ഞം മാറുന്നു 
യജ്ഞാന്തകൃത് -- യജ്ഞം കഴഞ്ഞു അതിന്റെ ഫലപ്രാപ്തിയെ തരുന്നത് ഭഗവാൻ 

യജ്ഞഗുഹ്യ -- യജ്ഞങ്ങളിൽ ഏറ്റവും ശ്രേഷ്ഠം ജ്ഞാന യജ്ഞം ആണ്. ഫലേച്ഛ കൂടാതെ എല്ലാം ഭഗവാനിൽ സമർപ്പിച്ചു ചെയ്തു പ്രാപിക്കേണ്ടത് ഭഗവാനെ ആണ്  

അന്നം -- അന്നം കൊണ്ട് പോഷിപ്പിക്ക പ്പെടുന്ന എല്ലാത്തിനും അന്നം എന്നാണ് പറയുന്നത് 

അന്നാദ:--പ്രളയ കാലത്തു എല്ലാം ഭഗവാന് ഭക്ഷണം ആയി തീരുന്നു 

ആത്മയോനിഃ സ്വയംജാതോ വൈഖാനഃ സാമഗായനഃ |
ദേവകീനംദനഃ സ്രഷ്ഠാ ക്ഷിതീശഃ പാപനാശനഃ || 106 ||

ആത്മയോനിഃ -- ഭഗവാൻ ജനിക്കുന്നതു സ്വന്തം യോനിയിൽ നിന്നാണ്  

സ്വയംജാത: സ്വയം ജനിക്കുന്നവൻ 

വൈഖാനഃ --ഭൂമിയെ കുഴിച്ചു പാതാള വാസി  ആയ ഹിരണ്യാക്ഷനെ കൊന്നത് കൊണ്ട് 

സാമഗായനഃ --യാഗത്തിൽ സാമഗാനം ചെയ്യുന്നത് ഭഗവാൻ തന്നെ ആണ് 
ദേവകീനംദനഃ --ദേവകിയുടെ പുത്രനായി ജനിച്ച ഭഗവാൻ 

സ്രഷ്ഠാ --സകല ലോകവും സൃഷ്ടിച്ചത് ഭഗവാൻ 

ക്ഷിതീശഃ--ഭൂമിയുടെ ഈശൻ 

പാപനാശനഃ ധ്യാനം കൊണ്ട് മാത്രം സകല പാപങ്ങളും നശിച്ചു പോകുന്നു 

ശംഖഭൃന്നംദകീ ചക്രീ ശാങ്ഗ ധന്വാ ഗദാധരഃ |
രഥാംഗപാണി രക്ഷോഭ്യഃ സര്വപ്രഹരണായുധഃ || 107 ||

ശംഖഭൃത് --ശംഖ് അഹംകാര തത്വത്തെ പ്രതി നിധീകരിക്കുന്നു പാഞ്ചജന്യമെന്ന ശംഖിനെ ധരിച്ചവൻ 

നന്ദകീ --നന്ദകം എന്ന വാൾ വിദ്യയെ കുറിക്കുന്നു. നന്ദകം എന്ന വാൾ ധരിച്ചവർ 

ചക്രീ --ഭഗവാന്റെ ചക്രായുധം മനസിനെ പ്രതിനിധാനം ചെയ്യുന്നു. ആ ചക്രത്തെ ധരിച്ചവൻ 

ശാങ്ഗധന്വാ --ഇന്ദ്രിയങ്ങളെ പ്രതിനിധാനം ചെയ്യുന്ന ശാര്ങ്ഗം എന്ന വില്ലു ധരിച്ചവൻ 

ഗദാധരഃ --ബുദ്ധി  തത്വത്തെ പ്രതി നിധീകരിക്കുന്ന കൗമോദകി എന്ന ഗദയെ ധരിച്ചവൻ 
രഥാംഗപാണി -- ചക്രം കയ്യിൽ 

അക്ഷോഭ്യഃ --ഭഗവാനെ ആർക്കും ക്ഷോഭിപ്പിക്കാൻ സാധ്യമല്ല 

സര്വപ്രഹരണായുധഃ -- പ്രഹരണത്തിലൂടെ തന്റെ ശത്രുക്കളെ നിഗ്രഹിച്ച ഭഗവാൻ (നഖം, കാല്പാദം)

ശ്രീ സര്വപ്രഹരണായുധ ഓം നമ ഇതി |